البارحه يوم الخـــــلايق نيامـــــــا &&& بيّحـت مـن كثـر البكـى كـل مكنـون
قمت أتوجّد وأنثر الما على مـــــا &&& من فوق عينـي دمعهـا كـان مخـزون
ولي ونة ٍ من سمعَها مـــــا يناما &&& كني صويـب ٍ بيـن الأضـلاع مطعـون
و إلا كمـا ونـة كسيـر السْلامــــــا &&& خلّـوه ربعـه للمعاديـن مديـون
في ساعة ٍ قل الرجـا والمحامــــا &&& فيمـا يطالـع يومهـم عنـه يقفـون
و إلا فـونة راعبـــــيّ الحمامــــــــا &&& غـاد ٍ ذكرهـا والقوانيـص يرمـون
تسمع لها بين الجرايد حطامــــــا &&& مـن نوحهـا تـدع ِ المواليـف يبكـون
و إلا خلوج ٍ ســـابة ٍ للهيامــــــــــا &&& على حوار ٍ ضايـع ٍ فـي ضحـى الكـون
و إلا حوار ٍ مشْيِقوا له شمامـــــــا &&& وهـي تطالـع يـوم جـرّوه بعيـون
يردون مثلـه والضوامـي صيامـــــــا &&& ترزّمـوا معهـا وقامـوا يحنّـون
و إلا رضيع ٍ جرّعـوه الفطامــــــــــــا &&& أمـه غـدت قبـل أربعينـه يتمّـون
عليك ياللي شربت كاس المحامـا &&& صـرف ٍ بتقديـر ٍ مـن الله مـاذون
جاه القضا من بعد شهر الصيامــــا &&& صافي الجبيـن بثانـي العيـد مدفـون
كسوه من عرض الخرق ثوب خامــا &&& و قاموا عليه من الترايـب يهلّـون
راحوا بها حروة صلاة اليِمامـــــــــــا &&& عنـد الدفـن قامـوا لهـا الله يدعـون
برضاه والجنه وحسن الختامــــــــــا &&& ودمـوع عينـي فـوق خـدي يهلّـون
حطّوه في قبر ٍ عساه الهيامــــــــــا &&& في مهمة ٍ مـن عـد الأمـوات مسكـون
يا حفرة ٍ يسقي ثراك الغمامــــــــــا &&& مـزن ٍ مـن الرحمـه عليهـا يصبّـون
جعل البخَتري والنفل والخزامـــــــى &&& ينبت علـى قبـر ٍ هـو فيـه مدفـون
مرحوم ياللي ما مشى بالملامــــــــا &&& جيـران بيتـه راح مـا منـه يشكـون
وا وسع عذري وان هجرت المنامــــــا &&& ورافقت من عقب العقل كل مجنون
أخذت انا ويّاه سبعة عوامــــــــــــــــــا &&& مـع مثلهـن فـي كيفـة ٍ مـا لهـا لـون
والله كنها يا عرب صرف عامــــــــــــــا &&& يا عونة الله صـرف الأيـام وشلـون؟
و أكبر همومي من بزور ٍ يتامـــــــــــا &&& و إن شفتهـم قـدام وجهـي يبكّـون
و ان قلت لا تبكون قـــالوا علامــــــــا &&& نبكـي ويبكـي مثلنـا كـل محـزون
قلت السبب تــبكون؟ قالـوا يتامــــــا &&& قلـت اليتيـم أيـاي وانتـم تسجّـون
مع البزور وكــل جـــــــرح ٍ يلامــــــــــا &&& إلا جـروح بخاطـري مـا يطيبـون
جرحي عميق ٍ مثل كسر السلامـــــا &&& الى مكَـن.. عنـه الأطبّـا يعجـزون
قمت اتشكّى عـند ربع ٍ عذامـــــــــــا &&& جونـي علـى فرقـا خليلـي يعـزّون
قالوا تجوّز وانــــــس لامه بلامـــــــــــا &&& بعض العـذارى عـن بعضهـن يسلّـون
قلت انها لي وفّقـــــت بالولامـــــــــــا &&& ولـو جمعتـوا نصفهـن مـا يسـدّون
ما ظنّتي تلقون مثلــه حرامـــــــــــــا &&& أيضـا ولا فيهـن علـى السـر مامـون
و أخاف انا من غاديـــات الذمامــــــــا &&& اللي علـى ضيـم الدهـر مـا يتاقـون
أو خبلة ٍ ما عقلها بالـــتمامـــــــــــــا &&& تضحك وهـي تلـدغ علـى الكبـد بالهـون
توذي عيالي بالنهر والكـــلامـــــــــــا &&& و أنـا تجرّعنـي مـن المـر بصحـون
والله يا لولا هالصغار اليتـــامــــــــــــا &&& و أخشى مـن السكّـه عليهـم يضيعـون
لا أقول كل البيض عقبه حرامـــــــــا &&& و أصبر كما يصبر على الحبس مسجون
عليه مني كل يـوم ٍ سلامـــــــــــــــا &&& عـدّت حجيـج البيـت واللـي يطوفـون
وصل على سيّد جميع الأنامــــــــــــا &&& على النبـي ياللـي حضرتـوا تصلـون