شبيت من راس الفتيل؟

شبيت من راس الفتيل القناديل
وذبحت في ميلاد شعري تميمه

شاعر و أمثل لابتي خير تمثيل
شعر جديده يفتخر في قديمه

أبقى على حلم الليال المقابيل
تدفعني النخوه و قوة العزيمه

ما أقول أنا نجيب و لا أحمد زويل
أهل العقول الراجحه و الحكيمه

لكن نحاول نرتقي جيل عن جيل
و أكبر فخر إنا من أمه عظيمه

أيامنا ذل و هوان و غرابيل
تهدم قيم و الجهل مسرح جريمة

و أعلامنا غزو عقايد و تظليل
قناة تمثيل و صحافة عقيمة

و الشعر فصل حال الأيام تفصيل
و جسد معاناة الشعوب الأليمه

و أصدق لساني حلل الوضع تحليل
إحساس شاعر نابع(ن)من صميمه

و أنا ليا تغربت من غير تأويل
أرضي طموحي و افهمي يا فهيمه

أنا أدري إنه غرك القال و القيل
و كثرت عليك علوم راع النميمه

لكن ترى ما عاد لي للصبر حيل
لا عدت أطيق المهزله و الظليمه

صحيح إجابه صدمة الوقت و آشيل
و الصبر مفتاح الفرج و الغنيمه

و أحاول أدور للأعذار تعليل
و أقول ما ينسى نديمي نديمه

بين لك من بين ريضان الحنايا مداهيل
و لك بالحشى حشمه و شيمه و قيمه

خذي كلام الي ليا ما يميل
و خلي كلام أهل العقول السقيمه

يا وردة(ن)مالت على ضفة النيل
يهبها ريح العبير و نسيمه

أنا احتدملك و أثني و أسرج الخيل
و أعن لك و أكرب شداد ريمه

ثلثين ليل و ثلث باقي من الليل
بعد القطيف و قبل مفرق رحيمه

ترسل و أنا مانيب يم المراسيل
الوضع سيء و النوايا مقيمه

رسايلك توحي بقطع المواصيل
الله يبيح الي رعاك و يديمه

ما هو كذا تقفي و ذودي مباهيل
و تهل دمعك مثل دمع اليتيمه

جرحيتني توك و أنا جرحي محيل
و هزمتني و أنا ما عرف الهزيمه

و أنا من أحفاد الرجال المشاكل
بني عطا أهل الصفات الكريمه

إليا حدرنا وادي(ن)ضاربه سيل
و إليا تسندنا جبال(ن)مريمه

و المرجله لو هي ورا الجدي و سهيل
نسعالها سعي الغريم لغريمه

فهمتني و الا تبي ندبل الكيل
نصيحتي خل العلاقه حميمه

لا تحسبن دمعي يبل المناديل
لا و الذي منعم عليك بنعيمه

إن رحت عني جعل دربك تساهيل
و إن جيتني غالي و قدر و حشيمه

طبعي كذا ما ركض خلاف الأقاويل
و حسيبنا محيي العظام الرميمه

اخوكم الخيال
و بمسك البداية و الختام تحية الاسلام
السلام عليكم و رحمة الله و بركاته

صـــح لــــســـانك على القصيده الرائعه

ما أقول أنا نجيب و لا أحمد زويل
أهل العقول الراجحه و الحكيمه

مشكور حبيبي الله يعافيك وصح بدنك

شقوووووووولك؟

صح لسانك ولا هنت

وتقبل مروري

صقر العروبه

مشكور اخوي & صح لسانك على القصيده الرائعه

مشكورين محمد وصقر حبايبي على راسي والله

مشكورين محمد وصقر حبايبي على راسي والله