لارحم من يقطع في والدينه

بسم من يرعى البشر والليل ساري نطلـبـه وافــي رضــاه ونستعـيـنـه
سـمّ ياحامـد علـى صـدر السـفـاري مـا تهـون ويـا عسـى الله لا يهينـه
وارد النيسـان بالشـكـل الحـضـاري صنع فطسٍ مـا ارخصـوه مفخمينـه
لاشتغـل تقـول سـرب مـن الكنـاري مطلـق التغريـد مـن روس المكينـه
فيه مـن حـرّاَ كفـخ يبغـى الحبـاري مطلـقـيـنـه لـلــهــداد وضـامـنـيـنـه
لا ظهـر مـن النّفـق علـى الكـبـاري قـلــت عـابــر قـــارات ومطلقـيـنـه
اعط وجـه الـدرب وجـه الانتحـاري عشـر سـاعـات وهدفـنـا واصليـنـه
جعل ما يعرض لنا عارض طواري يسـرق اللحظـات واللحـظـه ثميـنـه
ودّع الـدمـام والـضـغـط الـحــراري من صبـر ذا العيـد فيهـا الله يعينـه
قـفّ للبحـر وتعـد مــن الصـحـاري وانطلق وانسْ الريـاض وساكنينـه
قصّ نجد بعرضهـا ضلـع وخبـاري لا يــــردك لا زحــــام ولا مـديــنــه
مسلكٍ يبغى التّحـدي وانـت ضـاري مع طريـق الحـجّ واسبـق سالكينـه
وان بـدت صرافـة البنـك التـجـاري بـــاول الـطـايـف دلـيــل مثبّـتـيـنـه
رح يسار ومانت محتاج استشـاري راسـنـا راس الـسـراه وباخصيـنـه
بختصـر لـك دام يكفيـك اختصـاري وانـت شبـل العـرف يمنـاك بيمينـه
ودّنــا لـلـي لـهـم والـبــث جـــاري مــا نـبـثّ الا النـفـوس المستكيـنـه
حقّـهـم يـاخـال مـاهـوب اخـتـيـاري فارضه ربّ السمـا مـن ضمـن دينـه
والفرايـض لـو لهـا بايـع وشــاري نشتـريـب العـمـر والبـيـع الغبيـنـه
دَيـن والديّـان فـي عـيـن اعتـبـاري ناصلـه لـو مـاا نسـدّد عـشـر ديـنـه
زبدة الموضـوع عنـدك وانـت داري يقطـع الله مـن قـطـع فــي والديـنـه

اللله يعافيج وابشري بقصيده اتحدى فيها شعار السعوديه والفراعنه وان شاء الله

صح لسانك ولا هنت

-----------------

صقر العروبه

صــح لــســانكـ

على القصيده الرائعه يا الخيال

تحياتي

صح لسانك يا الخيال
كثر منه

الله يسلمك

قصيده ولا اروع اخوي الخيال

تسلم واللللله ،،،،،،،،،