مسحوب والمسحوب كل(ن) يغنيه

جيتـك عـلـى مطـيّـة اهــل القصـايـد مسـحـوب والمسـحـوب كــل ٍ يغنـيّـه
صحيح هو ماهو على النـاس كايـد لـكــن مـاكــل ٍ ســواتــي يـسـويــه
نظـمـت للـسـاحـه بـشـعـري قـلايــد وقامت تباها فـي قصيـدي وراعيـه
ماهو على شاني على الشعـر قايـد الـكـذب مايـقـبـل ولانـيــب ادانـيــه
لكـن كسبـت مــن التـجـارب فـوايـد تـجـارب الـلـي قبلـنـا جـرّبـوا فـيـه
قالـوا لـي ان الشعـر يبـغـى فـرايـد وافـكـار والـرجّــال عـقـلـه يـقـديـه
ان كــان مـاجـدّدت مـانـتـه بـفـايـد مـهـمـا تفـنـنـت بـبـحـره وقـوافـيـه
يالـيـت بالسـاحـه مسـمـى (زوايــد) بالله كــم مستشـعـر ٍ راح اسمـيـه؟
مــن منطـلـق مانـيـب عـايـد وزايــد بافـكـار خـلـق الله جـيـتـك منـقـيـه
يااعذب مـن اشعـاري واعـز البدايـد واصدق من اعذاري اليا قلت لي ليه؟
يااصمل مـن عزومـي نهـار الشدايـد واكمل من الحلم اللي ابطيت اناجيـه
طوّعتنـي وانـا مـن اقـسـى الـولايـد وطبّعتـنـي عـلـى الـغـرام ومـبـاديـه
وحطّيت لـك فـي خافقـي خـط سايـد وخطّيت لـك بـه شـي ماحـد ٍ بماحيـه
اي والله احــبــك ولابــــه جــدايـــد غيـر ان لـك قـدر ٍ سلـب عقـل غاليـه
كــذاب مــن قــال المحـبـه نـكـايـد والا عجـز ماحـصّـل الـلـي يصافـيـه
ماارتحـت واستحليـت نـوم الوسـايـد الا عـقــب مـاحــلّ حـبــك وطـاريــه

صح لسانك ولا هنت

-----------------

صقر العروبه

مشكور على القصيده

مشكور اخوي الخيال على القصيده