بحــهـ الشـــووق..

بسم الله الرحمن الرحيم
بحة الشوق.. من قصائد الشاعر ..

محمد جار الله السهلي ..

كلماتها في منتهى الروعة والوصف.. اتمنى ان تنال اعجابكم

تعال اغنيلك الموال وغيابك
........... للـشوق بحه تميز نبرة اشعاري

زهبت عذري وردي لاابتدى عتابك
........... كم لي افكر شقول ان قلت شالطاري

بقول مشتاق للطعنه من اهدابك
........... ومشتاق اكثر لقولة باخذ بثاري

وبقول مليت مدري ملني بابك
........... من غبت دونه وقف عمري ومشواري

مغير اسولف له اللي صار باسبابك
........... وارمي عليه الجفا والهم واعذاري

من غير لا ادري اجي وان قال وش جابك
........... قمت اتساقط علي من غيمة افكاري

لين اتبلل وله واطير اسرابك
........... وتروى عصافير فرقانا من انهاري

وارد ميت عطش واقلب كتابك
........... واقرى حكاية سراب ٍ عذب ازهاري

شفني ذبلت وطفيت وجيت ابحيابك
........... عمري دفعته ثمن دربي ومسياري

اما تخليني احيا فيك وابقابك
........... ولا تاكد وفاتي آخر اخباري

( ابك )انت مره طرالي احرق اعصابك
............ طاوعت فكري عليك وجيت لك ساري

فكرت ابيعك وابعثر بالمدى اطيابك
............ عقلي نواها وقلبي قال انا شاري

ورديت احسك بصدري واحسب احسابك
................ اني زرعتـك لقا وابقـطف اثمــاري

واليوم دام المسا توه تغنابك
............ اقررب مدامك لحن تشتاقه اوتاري

ابعزفك للقصيد اللي تسمابك
............ وأشب لك داخل بحور الشعر ناري

واسمعك ما كتبته لين ينتابك
............ غرور واسمع كلام ٍ عده اجباري

لاصرت انا والقلم والدفتر احبابك
............ يحق لك لو تقول ان الشعر داري

ما قلتها قصدي اني اكسب اعجابك
............ لكني بهذي ادري ويش مقداري

الصعب جذاب وانت الصعب يزهابك
............. وانا على الكايده يا عاشقي ضاري

وان جات للجد له لذه ترى غيابك
............. شف بحة الشوق كيف تميز اشعاري

وسلامتكم..

بحـهـ الشووق صــح لســانج على القصيده
ويعطيج الف عافيه

اللهـ يعاافيكـ

مشكوور ع المروور..

الله يعطيج العافيه قصيده غزليه جميله على راسي والله ،،،،،،،،

يعطيك العافية

وتقبلي مروري

صقر العروبه

مشكوووريـــن ع المروووور..