ما يداوي علّتي ياكـود ضمّـك بالسواعـد

المطر راس القلم والطرس للامطار جاعـد
والقوافى كنها ضـي اللهب والنـار حيّـه
ياحبيبى لا تقول الحظ الاقشر مـا يساعـد
شفت عاد شلون صبري قدّم لجرحي هديّـه
والله إني من زماني ما هقيت الحظ واعـد
لين جابك هكذا صدفه وحطـك فـى يديّـه
أسهمك فى بورصة صدري غلا دوم إتصاعد
شوفها قدّام بدع البيـت وانظرهـا شويّـه
باني ٍلك جوف قلبى للهـوا عـدّة قواعـد
كلّها تنقشـك فـى قلبـي حيـاةٍ عاطفيّـه
أشهد انك بالمحبـه حاجـزٍ كـلّ المقاعـد
يوم غيرك ما حصل لـه لاكثيـر ولا بليّـه
جعل ربي ما يقولـه لـو تمنيـت انتباعـد
كل شي ٍ لك يصيـر إلاّ القطعيـه والجفيّـه
كلّما ضاقت عليّـه دنيتـى جيتـك مواعـد
بحضنك بعيوني الثنتين هـاذي قبـل ذيّـه
ويش أسوي وأنت إلك بالجوف برّاقٍ وراعد
والخليقه في نحيّه وأنت قدرك فـي نحيّـه
ما يداوي علّتي ياكـود ضمّـك بالسواعـد
فوق صدر الّى كويته بالغلا مليـون كيّـه

مشكور اخوي اف بي اي على القصيده

صح لسانك ولا هنت

------------------

صقر العروبه