ياونتي ونت

ياونتـي ونــت الـلـي ماشـيـن حـافـي ونـت حزين(ن)وطـاه الفقـر مــع ديـنـه
يــون مــن حالـتـه لــو كــان متعـافـي مـابـه وظيـفـه تـسـد الـديــن وتعـيـنـه
وبينـه وبيـن القرايـب مـصـدر خـلافـي لو غاب محد(ن)نشد عـن غيبتـه وينـه
او ونــت الـلــي بغيـبـوبـه وبسـعـافـي من حاذث(ن)منه صارت حالتـه شينـه
من ضيق بالي وجون ماهو لي صافي ووقت(ن)تقـل بـه عـادوه بينـي وبينـه
همي فراشي وهاجوسي لي لحافي وكنـي مكلـف بـاعـد الـوقـت وسنيـنـه
وين انت اللـي بـك المعـروف ينشافـي ويـن انـت ياللـي كريمـه مـدت ايديـنـه
يالـلـي بـكـل العـلـوم الطيـبـه وافـــي يافزعـت اللـي علـى الشـدات ناخيـنـه
ولـه حـزت الضيـق والشـدات ميقافـي وعلـم المراجـل مـع اصحابـه عناويـنـه
والطيـب عنـده يقـف لاجــاه ماطـافـي لا انـه مـع الطيـب راجحت(ن)موازيـنـه
انخاك تكفى وتكفـى يابـن الاشرافـي فزعـتـك والـديـن بـــاذن الله قاضـيـنـه
مكـان هـذا هـواء نفسـي ولا هـدافـي ومـاجـا مــن الله والمكـتـوب راضـيـنـه

صح لسانك على القصيده الرائعه

مشكور اخوي عالمرور وصح بدنك


اخو::::::::::::ك الخيالــــــــــــــــــــ::