ياطفل ياللي جيت من عرض الاطفال فـيـك الـبـراءه يـاطـفـل محتـرمـهـا

ياطفل ياللي جيت من عرض الاطفال فـيـك الـبـراءه يـاطـفـل محتـرمـهـا


ياطفـل الـك عنـدي مكانـه ومـنـزال شوفـك يخفـف مـن جروحـي ولمـهـا


ياطفـل سلملـي علـى لابـس الـشـال امــنً تحضـنـك وتغـشـاك بنسـمـهـا


ياطـفـل حـبـه داخـــل الـقـلـب لازال احـبـهــا مــــن راســهــا لـقـدمـهـا


ياطفـل كـانـت وردةٍ تـطـرب الـبـال والـيـوم ابــوك الله يشيـلـه ظلـمـهـا


ليا جت تخطى فرق عـن كـل الازوال وحتى الكـلام يزيـن مـن نطـق فمهـا


كم ينحني مـن شوفهـا راس رجـال تحنـى القـلـوب لــن ربــي عصمـهـا


ياطفـل منهـا منبـري مـنـي الـحـال وعيني مـن مشاهـد اعيونـه حرمهـا


ماهـوب منهـا مـن مقاريـد وانــذال لــو هــو بكيـفـه فرصـتـه يغتنمـهـا


ياطـفـل خـلــك للمحـبـيـن مـرســال واخـذ الرسالـه ياطـفـل واحتشمـهـا


بالله سلمهـا ليـا جيـت فـى الـحـال وعطه الرسالـه فـى يـده وان لزمهـا


قله صدفني كنت من ضمـن الاطفـال وسلـم علـي وعبرتـه مالزمهـا........

مشكور وما قصرت على القصيده

مشكور على القصيده وصح لسانك?

مشكورين على المرور وصح بدنكم:::::::::::