هذي الموضه ولا بلاش

السلام عليكم ورحمة الله وبركاته

أهلا بأخواني وأخواتي ، وأسأل الله أن تكونوا بخير وعافية ..

قبل أسبوع كنت مع الأهل في سوق المباركية

ومثل ما تعرفون

مالك غير سوق المباركية يا ولد الحجية

طبعا أنا ما أدل من أسواق الكويت إلا القيصرية القديمة اللي في الجهراء ، هذي كنت أروحلها في

أواخر الثمانينات ( حَفَتي ) أي مشيا على الأقدام من بيتنا ، وإذا صارت عندي فلوس مجمعهم

من مصروف المدرسة أركب مواصلات يفر فيني الكوريات والجهراء القديمة

وما أوصل للسوق إلا وراسي دايخ كأني شارب ....

على طاري المصروف ، الله يطول بعمره الوالد ،قبل كان يعطيني 150 فلس مدري شسوي فيهم

إذا اشتريت سندويشة ما أقدر أشتري بيبسي بخمسين فلس

وإذا اشتريت بيبسي من غير سندويشة تتقطع مصاريني ، فأظل من غير لا أشتري وأتخيل

نفسي إني ماكل وشارب

والسوق الثاني اللي أعرفه من أسواق الكويت هو سوق المباركية ، اللي كنت أروحله دائما أيام

الصغر مع أبي الحبيب ..

أما أسواقكم هذي المولات والله ما عمري طبيتها ...

الحين شنو الموضوع اللي داش علشانه ؟!!

إيه تذكرت ..

قبل أسبوع كنت في سوق المباركية أنا والأهل وشفت شباب أعمارهم دون العشرين ..

صراحة كشت نفسي من أشكالهم ..

مو مخلين جزء من الوجه إلا حاطين فيه أبر

في جفونهم وخدودهم وشفايفهم وذقونهم ..

بعرف ما يعورهم ؟!!

وليش حاطينها ؟

تقليد أم علاج أم حب ظهور لفت انتباه أم ماذا ؟!

بس وسلامتكم ..

صراحه انا ما ادري بس انا اتوقع ان يلفتو الأنتباه ومشكووووور اخووي اعلى الموضوع

تقبل مروري
Smile

مشكور اخوي على الموضوع