قصيده عنوانها اهل المكارم ولا ظنتي تبخل على الدواسر وهي موجهه للدواسر؟

بـديـت بـسـم الـلـي يـســوق الـنـواشـي الـواحـد المعـبـود مسـقـي المعـاطـيـش
الـخـالـق الـــرزّاق مــنــزل رشــاشــي رب الـرسـول الهاشـمـي سـيّـد قـريـش
ومــن بـعـد ذكــر الله أبنـقـش نـقـاشـي من فوق صفحات الورق دون تشويش
ولانــيــب ســــراقٍ ولانــيــب راشـــــي ومـطـنّـشٍ هـــرج المهـابـيـل تـطـنـيـش
الـحــر لامـنّــه طــلــع فــــوق نــاشــي والـبـوم لــو أنّــه طـلــع قـيــل حـتّـيـش
حـنّــا نـعــرف الـــلاش لاذكـــر لاشـــي والطيـب نـومـاس الـرجـال المداغـيـش
الـلــي تـذبّــح فــــي كــبــار الـدبـاشــي وفنجـالـهـا للـضـيـف ينـعـشـه تنـعـيـش
أهـــل الـوجـيـه الـمـنـوره والبـشـاشـي فـكّـاكـت الانـشــاب وقـــت المـغـابـيـش
منهـم أبـو غـازي علـى الطيـب نـاشـي صــطّــام لــطّــامٍ وجــيــه الـخـفـافـيـش
حلـحـيـل صـنـديـدٍ يــســوق الـمـعـاشـي نسل الحرار اللي تصيـد أبـرق الريـش
نـســل الـعـطـاوي مـــرويٍ الـعـطـاشـي ألاد روق مــروضــيــن الـمــواحــيــش
كـم شيـخ قـومٍ طـاح وســط الدشـاشـي مـن سيفهـم بيضـه تشـوش العكاريـش
الـيـوم فـكـري يــا العـطـاوي وشـاشـي أشـوف بعـض الطيـب ماينـفـع الـديـش
الـلـي يحـسـب الطـيـب يـاتــي بـلاشــي مايـدري أن الطيـب صـعـب المنـاويـش
مـاهـو مـشــارك للـنـسـاء بالـفـراشـي وماهوب ملبـوس الحـذاء والطرابيـش
الـطـيـب مـايـبـغـى رجــــالٍ أخــراشــي لاسيـق بالمـيـدان جـيـشٍ عـلـى جـيـش
لاثــــارت الـهـيـجـاء وزاد الـهــواشــي تبلّـشـت رجـلـه عـلـى الــدرب تبـلـيـش
نـــذل وجــبــان وفالمـنـاعـيـر واشــــي ومـنـبّـشٍ بـعــض السـوالـيـف تنـبـيـش
يالدوسري دنـيــاك هـــذى أهـشـاشـي ماتسـتـوي يـاكـود لأهـــل البخـاشـيـش
أهـل الحـيـل والـكـذب نــاسٍ غشـاشـي حـيـاتـهـم تـشـبــه حــيــاة الـفــراريــش
مـكـدســيــن أمــوالــهــم بـالـخـيــاشــي ومناشبيـن النـاس فــي لقـمـة العـيـش
كــم واحـــدٍ للـطـيـب مـجـهـد وحـاشــي وكــم واحــدٍ صـكـوا علـيـه الكـلابـيـش
وأنـــت حـصــان ولانسـمـيـك حــاشــي هــــذا كــــلامٍ دزّه الـقـلــب بـشــويــش

يسلموووووو على القصيده

والله قصيده رائعه

صح لسانك ولا هنت

وتقبل مروري

صقر العروبه

مشكور اخوي الخيال على القصيده

صح لسانك أخوي الخيال على القصيدة

وتقبل مروري

أخوكم

كويتي وافتخر

صح بدانكم كلكم ومشكورين والله يعطيكم العافيه""""""""""""""""""""""""""