قصيده بالنجاح والتخرج

الفرح طـِقـّت طـْبـوله وعمّ السرور
..................... وماحلا ياليالي الصيف طعم النجاح

النفـوس امتلت يوم التخرج حبور
..................... وانتشت عـقـب ماهي في جهاد وكفاح

يوم حفـل التخرج والحبايب حضور
..................... والسعد بان بشفاه الخلايق ولاح

البلابل تغـّـنت مع جميع الطيور
..................... والشجر قام يرقـص مع هـبوب الرياح

والعذاري بغنجهـن يشعلنّ البخور
..................... والأماكن ملاها العطر والعطر فاح

ومرت الذكريات اللي بوقـت البكور
..................... يوم كل ٍ على فاله يقـوم الصباح

آحد ٍ في سرور وآحد ٍ في دبور
..................... آحد ٍ نام واحد ٍ طار نومه وراح

راح ينهل معين العلم والعلم نور
..................... بين جد وحماس وبين ونس ومزاح

والله ان الدراسة ذكريات ٍ تدور
..................... في زوايا خفـوق ٍ صار كبر البراح

كثرمافي الدراسة من وقـوف وعـبور
..................... كثر مافي الكراسي من تعب وارتياح

ومرّت ايام وايام وسنين وشهور
..................... ناس نالوا فلاح وناس مامن فلاح

وعـقـب طيّ الصحايف مابه أحْـد معذور
..................... من توفـق توفـق وانتهى واستراح

ومن تعـثرّ عـساه اليوم أتلى عـثور
..................... والعوض في الليالي المقـبلات الملاح

الحفـل تنحفـر ذكراه وسط الصدور
..................... وكل ناجح لبس له يوم حفـله وشاح

كم وكم طفـل في عـمرالصبا والزهـور
..................... ماقـدر يوصف بْشارة نجاحه وصاح

وكم بنات وشباب ٍ بالحماسة تثور
..................... نجْحَوا وْكل منهم خف حمله وطاح

عمّت الفـرحة اشفاهـم وزاد السرور
..................... واطلقـوا للوناسة والسعادة جناح

والله ان النجاح يفـوق وصف وشعور
..................... وطعمه أحلا من الماي الزلال القـراح

في ليالي النجاح نشوف لهـفة حضور
..................... وكل شي ٍ سوى اللي حرم الله مباح

ذاك زين الشباب وذيك بدر البدور
..................... كل منهم تهلل واعـتلاه انشراح

ألف مبروك ياللي بالظفـر لك ظهور
..................... ياعسى الله يدلك صوب درب الصلاح

ياعسى هالتخرج لك حجاب ٍ وسور
..................... عن دروب الضلال وجعل درب سماح

والفرح طِقــّت طـْبوله وزاد الحبور
..................... وماحلا ياليالي الصيف طعم النجاح


&&& وادعو لي اتخرج من ضباط الشرطه &&&

((((((((( منقوووله))))))))

صح لسانك

قصيدة طيبة وتقبل مروري

آمين تتخرج ونقول القصيدة بيوم التخرج


عموما صح لسانك ولا هنت على القصيدة الجميلة

وتسلم على النقل الرائع

وتقبل مروري

أخوكم

$$السراب$$

صــــح لســانك يا آف بي آي

يعطيك العافيه السراب على المرور

يسلموووووو محمد على المرور

الللللللللله يعطيك العافيه والله يخرجك حنا وياك قول اميييييييييين والله يعطيك العافيه

آمــــيــــــــن

ومشكور على المرور

مشكوووووور اخوي اف بي اي على القصيدا ربي يعطيك العافيه

][صح لسانك][

صح بدنك

يعطيك الف عافيه على المرور

مشكور اخوي على القصيده
تقبل مروري